Հայերու դէմ իրականացուած ցեղասպանութեան ժամանակագրութիւն

  • by Western Armenia, April 20, 2024 in Արմէնոսիդ
58 դիտում

1915 թվական ՝ հուլիսի վերջ․

Տեղի ունեցաւ Արաբկիրին հայերու տեղահանութիւնն ու կոտորածը: Արաբկիրէն դուրս եկած հայերու քարաւանները հերթականութեամբ գնդակահարուեցան Եփրատի ափին, եւ այսպիսով Յուլիսին վերջերուն Արաբկիրին մէջ այլեւս հայ չմնաց: 

1915-ի 06 Յունիս, երբ կը սկսուի հայերուն աքսորը, հայերուն վստահեցուցած էին, որ իրենք ետ են վերադառնալու իրենց տուները, ուստի, կարիք չկար փակելու դուռները կամ խանութները։ Արաբկիրցիները պետք է միանային՝ Կարինէն, Սարիղամիշէն, Բայպուրդէն, Երզնկայէն եկած աքսորեալներուն

Ականատես Յովհաննրս Տեր-Փիլիպպոսեան իր յուշերու մէջ կը գրէ, տարբեր դրուագներով կը ներկայացնէ աքսորին ճանապարհը, հայերու հոգնած եւ սոված վիճակը, ոստիկաններու վերաբերմունքը, աքսորեալներու լուռ աղոթքներն’ առ Աստուած։ Կը նկարագրուին դէպքեր, թէ ինչպէս ճանապարհին խումբը կը տեսնար հայերու դիեր, կ՚ենթարկուին քրդական խումբերու հարձակումներուն, ականատես կ՚ըլլայ մոր եւ դստեր սպանութեանը եւ այլն։ Ոստիկաններն ալ, իբրեւ հայերուն փրկելու համար, քիւրդերու եւ այլոց հարձակումներէն, վճար կը պահանջէին։

Ժամանակակից Արաբկիրին մասին կրնաք կարդալ յուշարձանագէտ, պատմաբան Սամուէլ Կարապետեանին՝ մանրապատումներ Արեւմտեան Հայաստանէն դիպուածաշարին մէջ։