Արեւմտեան Հայաստանի հայերուն հարցին շուրջ

  • by Western Armenia, November 25, 2023 in Պատմութիւն
87 դիտում

Western Armenia Tv-ին կը ներկայացնէ ՝ զինադադարէն ետք Երզնկա տեղի ունեցող իրադարձութիւններու մասին շարքի վերջին չորրորդ մասը։

Չնայած ձեռնարկուած կանխարգելիչ բազմաթիւ միջոցներուն՝ քաղաքին հայերու ու թուրքերու յարաբերութիւնները կը լարուէին։ Մուրադը լրացուցիչ ուժեր կուղարկէ  առաջնագիծ, քանի որ զինւորները կը լքեին դիրքերը եւ կը վերադառնային Երզնկա։

«Յուսայատութիւնը եւ վհատութիւնը երթալով կտիրեր հայերուն։ Մուրադ հեռագիրներ տուած էր զորավար Անդրանիկը  եւ Հայաստանի Ապահովութեան խորհուրդին՝ Թիֆլիս, որ անմիջապէս զինւորական օգնութիւն փութացնեն Երզնկա։ Մուրադ պահանջեց, որ Կարին հաստատուող տաճկահայ երիտասարդները գոնէ առաջին առիթով ղրկուին Երզնկա՝ փոքր քաջալերութիւն եւ խրախոյս մը ըլլալու հոն ծառայող զինւորներուն»,- կը գրէ Արամ Ամիրխանեանը:

Թուրքական սպառնալիքէն ոչ պակաս վտանգաւոր էին քրդական ցեղախումբերը, որոնք չէին ենթարկուի որեւէ պայմանաւորուածութեան, լաւ զինուած էին եւ պարբերաբար կը յարձակուեին հայկական գիւղերու վրայ։ Երզնկային շրջանը անոնց առաջին գրոհը կըլլա  Զատ գիւղի հայկական դիրքապահներուն վրայ։ Ստանալով այդ տեղեկութիւնը՝ Մուրադը կորոշէ անձամբ օգնութեան հասնիլ, սակայն գեներալ Լեախովին փոխարինած ֆրանսիացի գնդապետ Մորելն կարգելէ՝ ըսելով, որ քաղաքին թուրքերը, անոր բացակայութէնէ օգտուելով, կրնան խժդժութիւններ առաջացնիլ։ Մուրադը հայկական պահակախումբին օգնութեան կուղարկէ  հարիւրապետ Ճեպեճի Սարգսին եւ տասնապետ Վահրամ Մանուէլեանին։ Հասնելով մարտի վայրը՝ անոնք կը փակեն  այն ճանապարհները, որտեղէն քուրդերը կրնային  օգնութեան հասնիլ, իսկ ենթասպա Դանիելեանի գումարտակին զինւորները կը գրոհեն գիւղը, եւ յակառակորդը, կորուստներ կրելով, կը նահանջէ։

Նիւթը գրուելիս օգտուեր ենք ՝ Վրաստան Հայաստանի առաջին դեսպան Արշակ Ջամալեանին նամակներէն։