Մարդու իրաւունքներու պաշտպան Արման Թաթոյեանի կողմէ հաւաքուած փաստերը եւ վերլուծութիւնները կապացուցեն, որ Ատրպէյջանի զինուած ուժերու զինուորականներու ներկայութիւնը Սիւնիքի եւ Գեղարքունիքի մարզի սահմանային հատուածները Եւրոպական կոնվենցիայի համաձայն սահմանամերձ համայնքներու բնակիչներու կեանքի իրաւունքի խախտում է։

Մարդու իրաւունքներու պաշտպանը մամուլի ասուլիսի ժամանակ յայտարարեց, որ գոյութիւն ունի նախադէպային պրակտիկա, եւ կարելի է այդ հիմնաւորել, որ անոնց ներկայութիւնը ինքնին կեանքի իրաւունքի խախտում է։

«Այստեղ բաղադրիչները կարող են  տարբեր ըլլալ՝  Ատրպէյջանի կողմէ ատելութեան եւ թշնամանքի քարոզը, այն պատերազմական յանցագործութիւնները, որոնք ընդամենը ամիսներ առաջ կատարուեր են, խոշտանգումները եւ այլն։ Հաշուի առնելով, որ զինուորականները ատրպէյջանական իշխանութիւններու եւ, մասնաւորապէս, Ատրպէյջանի նախագահ Իլհամ Ալիեւի  ուղիղ ենթակայութեան ներքոյ են, հետեւաբար անոնք այդ քաղաքականութիւնն իրականացնելու են։ Առաւել եւս անոնց կողմէ կազմակերպուած են ժամանակ առ ժամանակ կրակոցներ»,- ըսաւ Թաթոյեանը։

ՄԻՊ-ը նաեւ կարեւորեց, անձնական ազատութեան եւ անձեռնմխելիութեան իրաւունքը, որը նոյնպէս Ատրպէյջանի կողմէ խախտուեր է։

Թաթոյեանի խօսքով՝ Ադտրպէյջանը կոպտօրէն խախտած է նաեւ բնակիչներու սեփականութեան իրաւունք։