Ատրպէյջանական ԶՈՒ ստորաբաժանումները, մարտական դիրքերու առաջխաղացման նպատակով, փորձեր են ինժեներական տեխնիկայի կիրառմամբ ամրաշինական աշխատանքներ իրականացնել, կը տեղեկացնէ ՊՆ մամուլի ծառայութիւնը:

Հայկական կողմի՝ նշուած աշխատանքները դադարեցնելուն միտուած հակազդող գործողութիւններէն ետք ատրպէյջանցի զինծառայողները նշանառու կրակ բացած են հայկական դիրքերու ուղղութեամբ: Ծաւալուած փոխհրաձգութեան հետեւանքով մահացու հրազենային վիրավորում ստացեր է ՀՀ ԶՈՒ զինծառայող: Կորուստներ ունի նաեւ ատրպէյջանական կողմը:

ՀՀ պաշտպանութեան նախարարութիւնը խիստ կը դատապարտէ ատրպէյջանական կողմի հերթական սադրանքը  նախազգուշացնելով, որ անոնք կարժանանան կոշտ հակազդման: Իրադրութեան յետագայ սրման ամբողջ պատասխանատուութիւնը կը կրէ Ատրպէյջանի ռազմաքաղաքական ղեկավարութիւնը:

Նախիջեւանը 1920 թուականի միջազգային պայմանագիրներով Հայաստան պետութեան անքակտելի մասն է,Արեւմտեան Հայաստանը խիստ կը դատապարտէ Ատրպէյջանի բռնազաւթիչ քաղաքականութիւնը եւ կոչ կուղէ միջազգային կառոյցներուն արժանի գնահատական տալ Ատրպէյջանի սադրիչ քաղաքականութեանը։