ԵՄ-ն մտադիր է ընդլայնել իր ներկայութիւնն Անտրկովկասի մէջ: Յուլիսի 13-ին ԵՄ խորհուրդի արտաքին հարցերով նիստի ժամանակ ներկայացուեր են Լիտուայի, Աւստրիայի եւ Ռումինիայի արտգործնախարարներու Հայաստան, Ատրպէյջան եւ Վրաստան կատարած այցի արդիւնքները: ԵՄ յանձնակատար Ժոզեպ Պորելի անունով նախարարները Հարաւային Կովկասի երկիրներու ղեկավարներուն փոխանցած էին տարածաշրջանի մէջ հակամարտութիւններու լուծման գործին աշխուժ դերակատարութեան ԵՄ յանձնառութիւնը:

ԵՄ-ի հետ երկխօսութեան մէջ Ատրպէյջանն անհամեմատ աւելի մեղմ է, քանի որ օժանդակութեան ակնկալիքներ ունի: Անտրկովկասեան երեք երկիրները ԵՄ Արեւելեան գործընկերութեան անդամներ են, որու միջոցով շարք մը ֆինանսական, տեխնիկական եւ խորհրդատուական աջակցութիւն կը տրամադրուի: 44-օրեայ պատերազմէն ետք կրած ահռելի վնասները վերականգնելու նպատակով Ադտպէյջանին միշտ ալ արտաքին օգնութիւնն անհրաժեշտ է ։

Դիտարկելով վերջին զարգացումները՝ ակնյայտ է, որ ԵՄ-ն կը մեծացնէ իր ազդեցութիւնը եւ կաշխատցնէ ճնշման գործիքները: Որպէս ճնշման միջոց կիրառուեցաւ Մինսքի խումբի համանախագահ երկիրներու դեսպաններու՝ դէպի Շուշի  կազմակերպուած դիւանագիտական այցին բոյկոտը:

Կ՛սպասուի, որ յառաջիկային Ատրպէյջանի հանդէպ բլիթի եւ մտրակի քաղաքականութեան կիրառումը կուտայ ակնկալուող արդիւնքները, եւ Ատրպէյջանը կը վերադառնայ քաղաքական բանակցութիւններու սեղանի շուրջ, քանզի բանակցութիւններու բացակայութիւնն աւելի կը խորացնէ հակամարտութիւնը: Հետեւաբար, եթէ Ատրպէյջանը տարածաշրջանին մէջ որեւէ տեղաշարժ կակնկալէ, ապա պէտք է հրաժարուի իր ապակառուցողական կեցուածքէն եւ իրավիճակը սթափ գնահատէ:

https://hhpress.am/taratsashrjan/2021/2706/

Leave a Reply