Արցախի նախագահ Արայիկ Հարութունեանը Facebook-ի իր էջին գրած է,որ ստորագրեր է Արցախեան 44-օրեայ պատերազմի ընթացքին զոհուած (մահացած) եւ անյայտ բացակայող ճանաչուած անձերու ընտանիքներու, 1-ին խումբի անժամկէտ հաշմանդամ ճանաչուած եւ (կամ) անօթեւան մնացած անձերու բնակարանային ապահովման ծրագիրը․

Ըստ ծրագիրի․

• Ստեփանակերտ քաղաքի մէջ կը կառուցուին բազմաբնակարան շէնքեր` շուրջ 1200 բնակարանով:

• Հանրապետութեան գիւղական բնակավայրերուն մէջ կը կառուցապատուին առնուազն 20 նոր բնակելի թաղամասեր, որու շրջանակին կը կառուցուին աւելի քան 2297 բնակելի տուներ աւելի քան 36 համայնքի տեղահանուած բնակիչներու համար:

• Ստեփանակերտ քաղաքի բնակարաններու առաջնային շուկայէն կը գննուի մոտ 1000 եւ երկրորդային շուկայէն՝ աւելի քան 500 բնակտարածք:

• Հանրապետութեան շրջաններու բնակարաններու առաջնային շուկայէն կը գննուի մոտ 70 բնակարանի եւ երկրորդային շուկայէն կը գննուի եւ կը վերանորոգուի շուրջ 1000 միաւոր բնակտարածք:

• Ծրագիրի շրջանակներուն կապահովէ նաեւ կառուցապատուող բնակավայրերու բարեկարգումը, ենթակառուցուածքներու կառուցումը կամ վերանորոգումը եւ բնակտարածքներու կահաւորումը:

Ծրագիրի ֆինանսաւորումն կիրականացուի Հայաստանի Հանրապետութեան պետական բիւջէի, Արցախի Հանրապետութեան պետական բիւջէի, «Հայաստան» համահայկական հիմնադրամի, եւ օրենսդրութեամբ չարգելուած այլ միջոցներու հաշուին: