Եթէ Ալիեւը 30 տարիներու ընթացքին չէ հասկցած, որ հակամարտութիւնը չի կարող լուծուած համարուիլ Արցախի հայութեան իրաւունքներու հաշուին, ուրեմն անոր պէտք է պարտադրել այդ լուծումը։ Այս մասին ֆեյսբուքեան իր էջին գրած է Արցախի մարդու իրաւունքներու պաշտպան Գեղամ Ստեփանեանը։

Հատուած գրառումէն։

«Ատպէյջանի նախագահ Իլհամ Ալիեւի տարբեր առիթներով յայտարարութիւնները եւ ընդհանրապէս այն հռետորաբանութիւնը, որն կ՛օգտագործուի  ատրպէյջանական իշխանութիւններու կողմէ, հստակ ցուցիչ են, որ խաղաղ գոյակցութեան մասին ցանկացած հեռանկար ուղիղ իմաստով անդառնալի հետեւանքներ կը պարունակէ, վտանգի տակ կը դնէ Արցախի ժողովուրդի հիմնարար իրաւունքներն ու ազատութիւնները եւ առաջին հերթին ժողովուրդի անվտանգութիւնը, կեանքն ու արժանապատուութիւնը։ Արցախցն երբեք, կը կրկնեմ` երբեք չէ ապրած եւ չի կարող ապրիլ Ատրպէյջանի հետ խաղաղութեամբ, սա տարիներու դառնութեամբ եւ բազմադրուագ ու հանցաւոր իրադարձութիւններով փաստագրուած իրողութիւն է:

Leave a Reply