Յուլիսի 19-ի երեկոյեան, ատրպէյջանական զինուած ուժերը անգամ մը եւս սադրիչ գործողութիւններու դիմեցին եւ ժամը 18:40-էն սկսեալ ատրպէյջանական ստորաբաժանումները տարբեր տրամաչափի հրաձգային զինատեսակներէն կրակ բացին հայ-ատրպէյջանական սահմանի Երասխի հատուածին մէջ տեղակայուած հայկական դիրքերուն ուղղութեամբ, որուն պատճառով ծաւալած է փոխհրաձգութիւն:

Այս մասին յայտնեց Հայաստանի պաշտպանութեան նախարարութեան տեղեկատուութեան եւ հասարակութեան հետ կապերու վարչութիւնը` շեշտելով, որ հայկական կողմէն զոհեր եւ վիրաւորներ չկան:

Ըստ աղբիւրին, Հայաստանի պաշտպանութեան նախարարութիւնը խստիւ կը դատապատէ ատրպէյջանական կողմի հերթական սադրանքը եւ կը նախազգուշացնէ, որ նման որեւէ գործողութիւն պիտի արժանանայ հայկական կողմի կարծր արձագանգին: «Իրադրութեան սրման ամբողջ պատասխանատուութիւնը կը կրէ Ատրպէյջանի ռազմաքաղաքական ղեկավարութիւնը», հաստատեց նախարարութիւնը:

Պաշտպանութեան նախարարութեան հաղորդումով` 19 յուլիսին դէպք արձանագրուեցաւ նաեւ Սիւնիքի մարզի Տեղ գիւղի սահմանային հատուածին մէջ: Արդարեւ, համայնքի բնակիչ հնձան վարողը, ապակողմնորոշուելով տարածքին մէջ, յայտնուեցաւ ատրպէյջանական զինուած ուժերու վերահսկողութեան տակ գտնուող տարածքին մէջ:

Leave a Reply