Արցախեան 44-օրեայ պատերազմէն ետք Արցախի գրքային հաւաքածուներու կորուստը մեղմելու նպատակով Մայիսի 13-էն Հայկական գրադարանային ասոցիացիան, Հայաստանի հրատարակիչներու ազգային ասոցիացիան, Հայաստանի եւ Արցախի ԿԳՄՍ նախարարութիւններու աջակցութեամբ նախաձեռնած էին «Գիրքը` Արցախին սպեղանի» խորագիրով գրքահաւաքը:

Գրքահաւաքութեան ամփոփիչ միջոցառումն տեղի ունեցաւ Յուլիսի 19-ին Խնկոյ Ապոր անուան ազգային մանկական գրադարանին մէջ:

Գրադարանի տնօրեն Ռուզան  Տոնոեանը շեշտեց, որ նախաձեռնութեանն միացեր են  գրադարաններ, հրատարակիչներ, անհատներ, որու արդիւնքին  ունին շուրջ 4 հազար միաւոր գրականութիւն, որը պաշտօնապէս կը նուիրեն Արցախին՝  փորձելով լրացնել այն  կորուստը, որն այս օրերուն ունեցած են Արցախի գրադարանները:

Ան յոյս յայտնեց, որ նախաձեռնութիւնը շարունակական բնոյթ կունենայ:

ԱՀ ԿԳՄՍ նախարար Լուսինէ Ղարախանեանն շեշտեց, որ Արցախեան 44-օրեայ պատերազմէն ետք թէ՛ մարդկային, թէ՛ մշակութային, թէ՛ գոյքային զգալի կորուստներ կրած են:  «Կրթութեան ոլորտէն 25 զոհ ունինք, մշակոյթի ոլորտի՝ 2 զոհ եւ մէկ անյայտ կորած, սպորտի ոլորտի՝ 4 տասնեակի հասնող զոհեր, որոնց մէջ եղած են տարբեր մարզաձեւերու Եւրոպայի չեմպիոններ»,- յիշեցուց Ղարախանեանը:

Խօսելով մշակութային ժառանգութեան կորուստներու մասին՝  նախարարն ըսաւ, որ կորսնցուցած են  շուրջ  2000 յուշարձան,  տասը պետական եւ երկու մասնաւոր թանգարան, 20 000-է աւելի ցուցանմուշներ: «127 համայնքային եւ դպրոցական գրադարան մնացած է հակառակորդի կողմէ օկուպացուած տարածքներուն մէջ, 618 հազար գիրք: