Այսօր ՀայՓոստը շրջանառութեան մէջ տեղադրած է երեք նամականիշ՝ նուիրուած «Պատմամշակութային յուշարձաններ. Հայաստանի պատմամշակութային յուշարձաններ» թեմային: ՀայՓոստ ՓԲԸ-ի կողմէ յայտնած են, որ 230, 290 եւ 330 ՀՀ դրամ անուանական արժէքով երեք փոստային նամականիշերու հետ մէկտեղ ՀայՓոստը թողարկեր է 120 ՀՀ դրամ արժողութեամբ նուիրատուութեան կտրոն: Կտրոններու վաճառքէն գոյացած հասոյթը կուղղուի Հայաստանի պատմամշակութային յուշարձաններու պահպանմանը: 

230 ՀՀ դրամ անուանական արժէքով նամականիշի վրայ պատկերուած է Արարատի մարզի Խոսրովի արգելոցին մէջ գտնուող Աղջոց վանքի Սուրբ Պողոս-Պետրոս եկեղեցիի հատուած (մ.թ. XIII դ.):

290 ՀՀ դրամ անուանական արժէքով նամականիշի վրայ պատկերուած է Արցախի Վանք գիւղի մէջ գտնուող Գանձասարի վանքը (մ.թ. XIII դ.): 

330 ՀՀ դրամ անուանական արժէքով նամականիշի վրայ պատկերուած է Արցախի Մաճկալաշեն գիւղի մէջ գտնուող Ամարասի վանքը (մ.թ. IV դ.): 

Թողարկման օրը` 2021 թուականին  Յուլիսի 20 

Լուսանկարները՝ Սամուել Կարապետեանի (Աղջոց վանք), Զավեն Սարգսեանի (Գանձասարի վանք), Հրայր Բազէ Խաչերեանի (Ամարասի վանք)