Մարդու իրաւունքներու պաշտպան Արման Թաթոյեանն ընդուներ է Եւրոպական խորհրդարանի ֆրանսիացի պատգամաւոր, Արտաքին յարաբերութիւններու յանձնաժողովի Անվտանգութեան եւ պաշտպանութեան ենթայանձնաժողովի նախագահ, ԵԽ-ի մէջ «La République en Marche» կուսակցութեան պատուիրակութեան ղեկավար Նաթալի Լուազոյին:

Արման Թաթոյեանը ներկայացուցած է ատրպէյջանական զինուած ուժերու կողմէ ՀՀ սահմանային բնակիչներու իրաւունքներու խախտումներու փաստերը: Մասնաւորապէս, Պաշտպանը ներկայացուցած է ապացոյցներ, որոնք հիմնաւորուած են, որ Սիւնիքի եւ Գեղարքունիքի գիւղերու հարեւանութեամբ, Սիւնիքի համայնքներու միջեւ ճանապարհներուն ատրպէյջանական զինուորականներ, դրոշներ ու ցուցանակներ պէտք չէ ըլլան:

Պաշտպանը նշած է, որ ատրպէյջանական զինծառայողները պարբերաբար կառաջացնեն բերքահաւաք եւ խոտքաղ իրականացնելու խոչընդոտներ, կը կատարեն կենդանիներու գողութիւններ, կը հնչեցնեն բնակիչներու նկատմամբ սպառնալիքներ եւ այլն: Ատրպէյջանական զինծառայողներու այս յանցաւոր արարքներն ուղղուած են ՀՀ քաղաքացիական բնակիչներուն կեանքի, սեփականութեան եւ այլ կենսական իրաւունքներէն, անասնապահութեամբ զբաղուելու եւ ընտանիքի եկամուտը վաստակելու հնարաւորութիւնէն զրկելուն: