Արցախեան 44-օրեայ պատերազմի ընթացքին զոհուած եւ անհետ կորած համարուող զինծառայողներու աճիւններու որոնողական աշխատանքները Յուլիսի 22-ին փրկարարական մէկ խումբով կը շարունակուի  Մատաղիսի մէջ:Ինչպէս կը տեղեկացնէ «Արմենփրես»-ը, այս մասին հաղորդագրութիւն տարածեր է Արցախի արտակարգ իրավիճակներու պետական ծառայութիւնը:«Արդիւնքներու մասին Արտակարգ իրավիճակներու պետական ծառայութիւնը կը տրամադրէ հաւելեալ տեղեկութիւն»,- նշուած է հաղորդագրութեան մէջ:Նշուած է, որ ռազմական գործողութիւններու դադարէն անմիջապէս ետք սկսած որոնողական աշխատանքներու ընթացքին մինչեւ այսօր յայտնաբերուեր է 1604 աճիւն: