Թուրքիայի նախագահ Ռեջեփ Թայիփ Էրդողանի՝ Կիպրոսի մէջ կատարած յայտարարութիւնները խիստ արձագանքի արժանացան եւրոպական պետութիւններու եւ ԱՄՆ ղեկավարութեան կողմէ։

Էրդողանը յայտարարած էր, որ կը պատրաստուի վերաբանալ իրենց գրաւուած Վարոշա (թրք. Մարաշ) նախկին զբօսաշրջային քաղաքը, որը փակուած էր մարդկանց համար 1974 թ. ի վեր։ Անով Էրդողանը կը խախտէ ՄԱԿ–ի ԱԽ բանաձեւը, ըստ որուն՝ այդ քաղաքին մէջ արգիլուած է մարդկանց բնակութիւնը։ Էրդողանը նաեւ յայտարարած էր կղզիի մէջ նախագահական պալատ եւ «Ազգային այգի» բանալու մասին։

ԵԽ նախագահ Ժոզեպ Պորելը յայտարարած է, որ այս որոշումը կը պարունակէ կղզիի մէջ լարուածութեան առաջացման ռիսկ եւ  կոչ կուղէ յարգել ՄԱԿ–ի որոշումները։

Յունաստանի ԱԳՆ ղեկավար Նիկոս Դենտիասը իր հերթին դատապարտած է այս յայտարարութիւնները։

ԱՄՆ պետքարտուղար Էնթոնի Պլինքենն անընդունելի կը համարէ Վարոշայի վերաբերեալ որոշումները եւ կոչ կուղէ  յարգել ՄԱԿ-ի բանաձեւերը։

Նման յայտարարութեամբ  հանդէս եկած է նաեւ Մեծ Բրիտանիան, որը, ի տարբերութիւն այլ եւրոպական պետութիւններու, Կիպրոս կղզիին մէջ ունի ռազմական ներկայութիւն եւ կիպրական հիմնահարցի կողմերէն է։

Leave a Reply