Հայաստանի սահմանամերձ համայնքներուն եւ Արցախի մէջ մշակութային կեանքն աշխուժացնելու նպատակով կիրականացուի «Թիկունքը մշակոյթ, սահմանը՝ կենտրոն» խորագիրով ծրագիրը, որու շրջանակին Հայաստանի երգի պետական թատրոնը ելոյթներ կո՛ւնենայ Սիւնիքի, Գեղարքունիքի եւ Տավուշի մարզերուն:

«Արմենփրես»-ի հաղորդմամբ՝ այս մասին Յուլիսի 22-ին լրագրողներու հետ հանդիպմանն ժամանակ ըսաւ Երգի պետական թատրոնի տնօրեն Արմեն Սարգսեանը:

Ան յիշեցուց, որ երկու տարի է՝ թատրոնը հիմնանորոգման փուլին է, որը գրեթէ աւարտին կը հասնի: Կը նորոգուին  դահլիճը, ճեմասրահը, մի քանի հարկ եւս, ուստի համերգները կը կազմակերպուին այլ հարթակներով: «Այս տարի կը նշենք Առնօ Պապաճաեանի 100-ամեակը, եւ տարին յայտարարեցինք Պապաճանեանական: Անոր նուիրուած համերգային ծրագիրով հանդէս եկանք Երեւանի մէջ եւ նոյն ծրագիրով կ՛ըլլանք Հայաստանի սահմանամերձ համայնքներուն: Կը կատարենք նաեւ Արթուր Գրիգորեանի ստեղծագործութիւնները»,- նշեց Սարգսեանն ու տեղեկացուց, որ Սիւնիքի մէջ կը հանդիսանան Օգոստոսի 13-16-ը: Ելոյթ կ՛ունենան Մեղրիի, Կապանի, Դարպասի մէջ, Օգոստոսի 5-9-ը՝ Տավուշի մարզի՝ Բերդի, Բերդավանի, Ազատամուտի մէջ: Բերդավանի մէջ երկու համերգ ունինք. այնտեղ զօրամաս կայ եւ հանդէս կուգան զինուորներու համար, իսկ Գեղարքունիքի մարզի մէջ Յուլիսի 29-30-ին՝ Մարտունիի եւ Վարդենիսի մէջ: