Ըստ թուրքական լրատուամիջոցներու յայտնած տեղեկութիւններուն` Միացեալ Նահանգները կը շարունակէ ռազմատեխնիկական աջակցութիւն ցուցաբերել Սուրիայի մէջ գործող քրտական «Ժողովրդական ինքնապաշտպանական ջոկատներուն» (YPG):

Իսկ ինչպէս յայտնի է, YPG-ն  թուրքական իշխանութիւնները նոյնացնուցած է Թուրքիայի մէջ ահաբեկչական համարուող «Քուրտիստանի բանուորական» կուսացութեան (PKK-ՔԲԿ) հետ: Նշուած է, որ ԱՄՆ-ի գլխաւորած կոալիցիոն ուժերը Հասակէի Աբտուլազիզ լեռան վրայ շուրջ 3 ամիս զինավարժանքներ անցկացուցած են 400 քուրտ զինեալներու հետ:

Թուրքական ԶԼՄ-ները, վկայակոչելով Սուրիայի իրենց աղբիւրները, կը յայտնեն, որ զինավարժանքներուն ներկայ գտնուեր են ամերիկացի հրամանատարներ, ինչպէս նաեւ «Սուրիայի դեմոկրատական ուժերու» (SDF) գլխաւոր հրամանատար Մազլում Քոպանին (Ֆերհադ Աբտի Քոպանի):