Բռնազաւթուած Արեւմտեան Հայաստանի Հաթայ նահանգի Սամանդաղ շրջանի վերջին հայկական Վագըֆլը գիւղի կանայք կը շարունակեն պահպանել իրենց մշակոյթը եւ ապահովել իրենց տնտեսական ազատութիւնը: Ինչպէս նաեւ կը փորձեն զարգացնել գիւղի տնտեսութիւնը: Կանայք, որոնց թիւը ժամանակի ընթացքին աւելցած է, ներկայիս կ՛աշխատին խումբով: 135 բնակիչ ունեցող գիւղի կանայք համատեղ աշխատանքի արդիւնքին արտադրած ապրանքները կը վաճառեն գիւղի եկեղեցւոյ պարտեզին մէջ:

Վաճառքի կը դնեն մուրապա, նուռի օշարակ, ձիթապտուղի իւղ, օճառ եւ գինի, որոնք կարտադրուին օրգանական գիւղատնտեսութեան միջոցով:

Քաղաքացիներն ու օտարերկրեայ զբօսաշրջիկները հետաքրքրութիւն ցուցաբերած են Վագըֆլը գիւղի հանդէպ:

Վագըֆլըն, որը ամռանը զբօսաշրջիկներու ամենասիրելի վայրերէն մէկն է, վերջին գիւղն է, որ կարողացած է գոյատեւել եւ որտեղ հարիւրաւոր տարիներ հայեր կ՛ապրին: Գիւղը կը գտնուի Մուսա լեռին ստորոտը գտնուող Հատըր պէյ հովիտին եւ վերէն կը դիտուի Միջերկրական ծովը: