Réservoir Marmarika

Ջրային կոմիտէի նախկին նախագահ Ինեսսա Գաբաեանը յայտնած է, որ  թուրքական կողմը ջրամբարներու կառուցումը աղետալի  հետեւանքներ կ՛ունենայ Արաքս եւ Ախուրիան գետերու համար։

Աւելի վաղ լրատուամիջոցները յայտնած են, որ Թուրքիայի իշխանութիւնները կը ծրագրեն ջրամբարներ կառուցել Արեւմտեան Հայաստանի գետերու վրայ: Ըստ Գաբաեանի՝ այդ գետերու հոսքը կը նուազի այնքանով, ինչքանով անոնք կը լեցուին ջրամբարներ: Իսկ գետերու ջուրը կը բաժնուի Հայաստանի եւ Թուրքիայի միջեւ: Այսինքն ՝ Թուրքիայի կողմէ բռնագրաւուած Արեւմտեան Հայաստանի ջրային ռեսուրսները կաւելնան, իսկ Հայաստանի Հանրապետութեան մէջ՝ կը նուազի: Ըստ Գաբաեանի՝ Ախուրիան գետը կը հոսի Թալինի եւ Պաղրամեան շրջանները, որոնք լուրջ գիւղատնտեսական հողեր են: Արաքս գետը կը հոսի Արմավիրի եւ Էջմիածնի շրջանները:

Միեւնոյն ժամանակ, ան նշեց, որ ոռոգման ենթակառուցուածքը մաշած է, եւ ջուրի կորուստները կը կազմեն 45-40%, իսկ որոշ տեղեր `նոյնիսկ 60-70%: Ըստ Գաբաեանի՝ անընդունելի է, որ ոմանք հողատարածքները կը ոռոգեն աւանդական եղանակով, քանի որ այստեղ հողը աւազոտ է, եւ ջուրը գործնական կը վատնուի: 

Կոմիտէի նախկին նախագահը համոզուած է, որ անհրաժեշտ է գտնել ջրային ռեսուրսներն աւելացնելու եւ Սեւանէն ջրառի կրճատելու  այլ ընտրանքային ուղիներ: