Պաքուի ծանր յանցագործութիւններու դատարանին մէջ Յուլիսի 26-ին կը շարունակուի հայ ռազմագերիներ Դաւիթ Տիգրանի Դաւթեանի եւ Գեւորգ Ռուբենի Սուջեանի նկատմամբ հարուցուած կեղծ քրէական գործով դատավարութիւնը:

Ինչպէս հաղորդած են ատրպէյջանական լրատուամիջոցները, Դաւիթ Դաւթեանին եւ Գեւորգ Սուջեանին մեղադրանք առաջադրուած է Ատրպէյջանի քրէական օրենսգիրքի 276 (լրտեսութիւն), 228 (ապօրինի զէնքի ձեռքբերում կամ կրում), 279 (օրենսդրութեամբ չնախատեսուած զինուած կազմաւորումներու կամ խումբերու ստեղծում), 318 (պետական սահմանի ապօրինի հատում) յօդուածներով: