ՀՀ ԿԳՄՍՆ գիտութեան կոմիտէի ֆինանսական աջակցութեամբ Սեպտեմբերին Հայաստանի Հանրապետութեան Գիտութիւններու Ազգային Ակադեմիայի Վիկտոր Համբարձումեանի անուան Բիւրականի աստղադիտարանին մէջ տեղի կունենայ 2 գիտական միջազգային միջոցառում:

ԿԳՄՍՆ-էն NEWS.am-ին յայտնած են, որ  առաջին Միջոցառումն «Տարածաշրջանային 2-րդ աստղագիտական ամառային դպրոց (2RASS)»-ն է, իսկ երկրորդը՝ «Աստղագիտութիւնը միջճիւղային եւ բազմաճիւղային գիտութիւններու քառուղիներուն» միջազգային գիտաժողովը՝ նուիրուած Բիւրականի աստղադիտարանի հիմնադրման 75-ամեակին (BAO-75):

«Տարածաշրջանային 2-րդ աստղագիտական ամառային դպրոց (2RASS)»-ը կանցկացուի Սեպտեմբերի 13-17-ը։ Դպրոցի նպատակն է համախմբել սկսնակ աստղագետներու եւ հարակից ոլորտներու մագիստրոսներու ու ատենախօսներու։ Հայտերու ընդունման վերջնաժամկէտն է Օգոստոսի 10-ը։ Դպրոցի մասին առաւել մանրամասն https://www.bao.am/meetings/meetings/2RASS/index.html?fbclid=IwAR2yNeZwT3R_Hy-ZdMEnKaXMMW9z5SjmyrPmCcM-XByIT8fHkOnx-qjcEpI

:

«Աստղագիտութիւնը միջճիւղային եւ բազմաճիւղային գիտութիւններու քառուղիներուն» միջազգային գիտաժողովը տեղի կունենայ Սեպտեմբերի 20-24-ը։ Այն նուիրուած է աստղագիտութեան առաջատար դերին գիտութեան ու մշակոյթի մէջ, ինչպէս նաեւ մարդկային գործունէութեան այլ ոլորտներուն։