Արսլանթեթէ բլուրը, որը կը գտնուի Արեւմտեան Հայաստանի Մալաթիա նահանգի Պաթալգազի շրջանին, աւելցած է ՅՈՒՆԵՍԿՕ-ի Համաշխարհային ժառանգութեան ցուցակին: ՄԱԿ-ի Կրթութեան, գիտութեան եւ մշակոյթի կազմակերպութեան (ՅՈՒՆԵՍԿՕ) համաշխարհային ժառանգութեան կոմիտէի 44-րդ նիստին որոշուեցաւ Արսլանթեփէ բլուրը, որտեղ հիմնադրուեր է Արեւմտեան Հայաստանի ամենահին յայտնի քաղաք-պետութիւնը, ՅՈՒՆԵՍԿՕ-ի Համաշխարհային ժառանգութեան ցուցակին ընդգրկել:

Արսլանթեփէն, որը կը գտնուի Եփրատ գետէն 12 կիլոմետր դէպի հարաւ-արեւմուտք ՝ Մալաթիայի Պաթալգազի շրջանին, 30 մետր բարձրութիւն ունեցող բլուր է: Ըստ ՅՈՒՆԵՍԿՕ-ի յայտարարութեան՝ տեղւոյն կատարուած ուսումնասիրութիւնները կը հաստատեն, որ տարածքը բնակեցուած է մ.թ.ա. 6-րդ հազարամեակէն մինչեւ ուշ հռոմէական շրջան:

Արսլանթեփէ բլուրի ամենանշանաւոր շրջանը կը համարուի ուշ քաղկոլիթեան ժամանակաշրջանը, երբ աղիւսով կառուցուեր է պալատական ​​համալիրը:

Արսլանթեփէ բլուրի տարածքին յայտնաբերուած են մեծ թիւով մետաղական առարկաներ եւ զէնքեր, այդ թիւին՝ աշխարհի ամենահին թուրերը: