ԵԱՀԿ Մինսքի խումբի համանախագահները հանդէս եկած են յայտարարութեամբ:

Յայտարարութեան մէջ, մասնաւորապէս կ՛ըսուի։

«Համանախագահները մտահոգութեամբ կը վերաբերուին Հայաստան-Ատրպէյջան սահմանի երկայնքով տեղի ունեցած վերջին միջադէպերուն, ներառեալ զոհերու եւ մարդկային կորուստներու մասին հաղորդագրութիւններուն: Համանախագահները կոչ  ուղած են Հայաստանին եւ Ատրպէյջանին անհապաղ նուազեցնել լարուածութիւնը, ձեռնպահ մնալ սադրիչ հռետորաբանութենէն եւ գործողութիւններէն, ամբողջութեամբ կատարել իրենց պարտաւորութիւնները Նոյեմբերի 9-ի յայտարարութեան եւ հրադադարի մասին այլ պայմանաւորուածութիւններու համաձայն:

Համանախագահները վերահաստատած են հակամարտութեան բոլոր մնացած հիմնական հարցերու բանակցուած, համապարփակ եւ կայուն կարգաւորման անհրաժեշտութիւնը եւ կողմերուն կոչ կ՛ուղեն հնարաւորինս շուտ վերադառնալ բանակցութիւններուն՝ համանախագահներու հովանիի ներքոյ: Համանախագահները վերահաստատեր են իրենց ամուր աջակցութիւնը ԵԱՀԿ գործող նախագահի անձնական ներկայացուցիչի եւ անոր խումբի շարունակական ջանքերուն»: