Էրեբունի հնավայրին մէջ Էրեբունի հնագիտական պեղումներն աւարտելու կապակցութեամբ Երեւանի փոխքաղաքապետ Գայանէ Մելքոմ Մելքոմեանին եւ ՀՀ-ի մէջ Ֆրանսիայի դեսպան Ժոնաթան Լաքոտին ներկայացուցին 2021 թուականի առաքելութեան ուսումնասիրութիւններու արդիւնքները:

Մելքոմ Մելքոմեանն ու Լաքոտը շրջեցին հնավայրի տարածքը, ծանօթացան կատարուած աշխատանքներուն, այնուհետեւ ասուլիսով հանդէս եկան:

Իր խոօսքին մէջ Ժոնաթան Լաքոտն ընդգծեց, որ այս ժառանգութիւնը բաւական կարեւոր է Երեւանի  եւ ընդհանուր տարածաշրջանի պատմութեան համար:

«Այս Ֆրանսիայի կողմէ Հայաստանի մէջ իրագործուող ժառանգութեան ոլորտին ընդհանուր մեծ ծրագիրներու մաս կը կազմէ: Ֆրանսիան Հայաստանի հետ կ՛սկսի ժառանգութեան պահպանման համագործակցութիւն, քանի որ հայկական ժառանգութիւնը վտանգուած է: Մենք կը ցանկանանք Հայաստանի կողքին ըլլալ, որպէսզի պահպանենք այդ ժառանգութիւնն եւ արժեւորենք»,- նշեց Լաքոտը:

Արգելոց-թանգարանի տնօրեն Միքայել Պատալեանն շեշտեց, որ այս հնավայրը շատ կարեւոր նշանակութիւն ունի ոչ միայն Հայաստանի մէջ, այլեւ ամբողջ տարածաշրջանի հնագիտութեան ուսումնասիրութեան համար:

«Այս ուսումնասիրութիւններու մասին տեղեակ են բազմաթիւ հնագետներ եւ ամենահեղինակաւոր ուրարտագետներու կողմէ արժանացեր են ամենաբարձր գնահատանքին»,- ըսաւ Պատալեանը:

Յիշեցնենք, 2008 թուականէն ի վեր Էրեբունի ամրոցին մէջ կիրականացուի հնագիտական պեղումներու լուրջ ծրագիր: