Միաւորուած ազգերու կազմակերպութեան մէջ Հայաստանի Հանրապետութեան մշտական ներկայացուցիչ Մհեր Մարգարեանն նամակ հղած է ՄԱԿ-ի Անվտանգութեան խորհուրդի Յուլիս ամսուայ նախագահող, ՄԱԿ-ի մէջ Ֆրանսիայի մշտական ներկայացուցիչ Նիկոլա Դե Ռիվիերին եւ ներկայացուցած է Ատրպէյջանի կողմէ շարունակուող ոտնձգութիւնները Հայաստանի Հանրապետութեան ինքնիշխան տարածքի նկատմամբ, որոնք հանգեցուցած են մարդկային կորուստներու։

Նամակին մէջ շեշտուած է, որ Ատրպէյջանի ագրեսիվ գործողութիւնները Հայաստանի հանդէպ զուգորդուած են ամենաբարձր մակարդակով հնչող տարածքային պահանջներով, ռազմական գործողութիւններու սպառնալիքով, ազգային պատկանելութեան հողի վրայ ատելութեան խօսքով։

Ընդգծուած է, որ Հայաստանը հաստատակամ է իր ինքնիշխանութեան ու տարածքային ամբողջականութեան ապահովման հարցով օգտագործելու ինքնապաշտպանութեան օրինական իրաւունքը՝ ՄԱԿ-ի կանոնադրութեան 51-րդ յօդուածի հիմքով։ Հայաստանը հաւատացած է, որ Արցախի հակամարտութեան համապարփակ եւ հարատեւ քաղաքական կարգաւորումը պէտք է ըլլայ խաղաղ ճանապարհով, ԵԱՀԿ Մինսքի խումբի համանախագահներու հովանիի ներքոյ։

Նամակը շրջանառուած է ՄԱԿ-ի Անվտանգութեան խորհուրդի անդամներուն եւ յառաջիկային կը հրապարակուի որպէս ՄԱԿ-ի ԱԽ պաշտօնական փաստաթուղթ: