ՀՀ էկոնոմիկայի նախարարի տեղակալը իր վրացի գործընկերոջ հետ քննարկած է  շարք մը համատեղ նախագիծեր ենթակառուցուածքներու, զբօսաշրջութեան, երկաթուղիի եւ էներգետիկայի ոլորտին: «Արմենփրես»-ի հաղորդմամբ՝ այս մասին յայտնած է էկոնոմիկայի նախարարի պաշտօնակատար Վահան Քերոբեանը՝ նշելով, որ վրացական կողմի հետ քննարկուեր է նաեւ արագընթաց գնացքի գործարկման հնարաւորութիւնը: Ըստ անոր՝ այն թոյլ կուտայ Երեւանէն Թիպիլիս հասնիլ 2-3 ժամուայ ընթացքին, որու արդիւնքին կը զարգանայ զբօսաշրջութիւնը։ «Վրաստան կատարած այցիս ժամանակ Յուլիսի 29-ին հանդիպած եմ Վրաստանի էկոնոմիկայի եւ կայուն զարգացման նախարար Նաթելա Տուրնավայի հետ։ Մեր երկիրներն առանձին համեմատաբար փոքր շուկաներ ունին, բայց միասին շատ աւելի գրաւիչ կարող են դառնալ տարածաշրջանի մէջ։ Այս համաթեքսթին մէջ քննարկած ենք շարք մը համատեղ նախագիծեր ենթակառուցուածքներու, զբօսաշրջութեան, երկաթուղիի եւ էներգետիկայի ոլորտներուն։ Խօսած ենք արագընթաց գնացքի գործարկման հնարաւորութեան մասին։ Անդրադարձանք նաեւ մեր երկիրներու միջեւ գինեգործական թուրիզմի զարգացման հեռանկարներուն»- գրած է Քերոբեանը։