Արեւմտեան Հայաստանի Վան նահանգի Պաշքալէ գաւառին մէջ տեղացած հորդառատ անձրեւները հեղեղումներու պատճառ դարձած են: Գետերը կրկրին վարարեր են: Ջրհեղեղներու հետեւանքով քանդուած է 8 տուն: Շրջանի քաղաքապետարանի փրկարար խումբերն սկսած են վնասուած ճանապարհներու վերանորոգելու եւ ցեխի մաքրելու աշխատանքները:

Այսօր շարունակուող աշխատանքներու ընթացքին անձրեւն վերսկսելու պատճառով խումբերու աշխատանքը դադարեցուած է, իսկ քաղաքացիներուն զգուշացուցած են իրենց պատկանող անասուններու հետ ապաստանել անվտանգ վայրերուն մէջ:

Փոխքաղաքապետը յայտարարութիւն տարածած է. «Երեկ ջրհեղեղի հետանքով 6 տուն աւիրուեր է, իսկ 30 տուն մեծ վնասներ կրած է: Այժմ թաղամասերու մաքրման աշխատանքներու առաջին փուլը կը կատարուի: Միեւնոյն ժամանակ, վնասներու գնահատման ուսումնասիրութիւնները կը շարունակուին: Վնասներու գնահատման եւ փլատակներու մաքրման աշխատանքներէն ետք կ՛սկսինք մշտական ​​կացարաններու կառուցման գործընթացը  այն քաղաքացիներուն , որոնց տուները վնասուեր են»: