Տեղի ունեցաւ  ութերորդ գումարման Ազգային ժողովի առաջին նստաշրջանը: «Արմենփրես»-ի հաղորդմամբ՝  առաջին նստաշրջանի օրակարգին մէջ ընդգրկուած է 7 հարց:

ԱԺ կանոնակարգ օրէնքի համաձայն՝ առաջին նստաշրջանի նիստերը բացում եւ մինչեւ Ազգային ժողովի նախագահի ընտրութիւնն կը նախագահէ տարիքով աւագ պատգամաւորը: Այս խորհրդարանի տարիքով աւագ պատգամաւորն է «Քաղաքացիական պայմանագիր»-էն Կնյազ Հասանովը: Յունիսի 20-ին անցկացուած արտահերթ խորհրդարանական ընտրութիւններով ձեւաւորուած Ազգային ժողով անցած է երեք քաղաքական ուժ՝ «Քաղաքացիական պայմանագիր» կուսակցութիւնը, «Հայաստան» եւ «Պատիվ ունեմ» դաշինքները: Ընդհանուր առմամբ խորհրդարան անցած է 107 պատգամաւոր:

Առաջին նստաշրջանի ընթացքին ԱԺ-ի մէջ կը ստեղծուի հաշուիչ յանձնախումբ, խորհրդարանը կ՛ընտրէ ԱԺ նախագահ, նախագահի երեք տեղակալներ: Օրակարգի մէջ են նաեւ ԱԺ մշտական յանձնաժողովներու ստեղծման եւ  անոնց նախագահներու ընտրութեան հարցերը: