Ամփոփուած է Վիեննայի հեղինակաւոր՝ «Խաղաղութիւն աշխարհին 2021» միջազգային երգչախումբային մրցոյթի (World Peace Choral Festival 2021) արդիւնքները, որուն հայ երգչախումբերը փայլած եւ պատուով ներկայացուցած են Հայաստանը՝ գրաւելով առաջին հորիզոնականները:

Ինչպէս «Արմենփրես»-ին տեղեկացուցած են «Հայ երգչախումբային դիրիժորներու ասոցիացիա» հասարակական կազմակերպութիենէն, «Հայաստանի փոքրիկ երգիչներ» երգչախումբը մրցոյթի երկրորդ որոշիչ փուլին տարբեր կարգերու մէջ Գլխաւոր մրցանակ շահած 14 երգչախումբերու մէջ ճանաչուեցաւ լաւագոյնն ու բացարձակ յաղթող, որու շնորհիւ Grand Prix I տեղը շնորհուեցաւ Հայաստանին:

«Հովեր» պետական կամերային երգչախումբին եւ «ԱՐԱՐ» երգչախումբին՝ I փուլին շնորհուեր է՝  իւրաքանչիւրին իր կարգին Ոսկէ մետալ:

«Գեղարդ» երգեցիկ խումբին եւ «Հայաստանի փոքրիկ երգիչներ» երգչախումբին շնորհուեր է՝ I փուլին իւրաքանչիւրն իր կարգին Ոսկէ մետալ եւ Գլխաւոր մրցանակ (Grand Prix), ինչպէս նաեւ՝ II փուլին լաւագոյնի տիտղոսի համար մրցելու իրաւունք: