UNESCO-ի Համաշխարհային ժառանգութեան ցանկին մէջ ընդգրկուած «Համաշխարհային քաղաք», «Քաղաքակրթութիւններու օրրան», «Հազար ու մէկ եկեղեցիներու» եւ «70 դարպաս ունեցող քաղաք» անուանուող Հայոց մայրաքաղաք Անիի մէջ թուրքերու կողմէ սկսուած պեղումները կը շարունակուին։

Այդ մասին, Akunq.net-ի փոխանցմամբ, կը հաղորդէ թուրքական «Անադոլու» լրատուական գործակալութիւնը։

Անիի մէջ իրականացուող պեղումնային եւ վերականգնողական աշխատանքներու հիմնական նպատակը Մանուչէի մզկիթը եւ իսլամական բնոյթի այլ շինութիւններ վերանորոգելն է։

Աղբիւրի համաձայն, պեղումներին հետեւելու նպատակով Անի այցելած Կարսի նահանգապետ Թիւրքեր Օքսյուզը լրագրողներուն յոյս յայտնած է, որ «Անատոլիայի առաջին մզկիթը» համարուող Մանուչէի մզկիթը Օգոստոսի 16-ին կը բացուի մուսուլմաններու արարողութիւններու համար։ Ըստ Կարսի նահանգապետի՝ մզկիթին մէջ վերականգնման աշխատանքներն սկսած են անցեալ տարի։