Իրաքի ԱԳՆ-ի ղեկավար Ֆուադ Հուսեյինը յայտարարած է, որ Պաղտատի ու Անկարայի միջեւ որեւէ պայմանագիր չկայ, որը թոյլ  կուտայ, որ պաշտօնական Անկարան հատի Իրաքի սահմանը եւ այնտեղ իրականացնէ ռազմական գործողութիւններ։

Այս մասին Իրաքի արտգործնախարարը յայտնած է Zemen Press լրատուամիջոցի հետ զրոյցի ժամանակ։

Իրաքցի նախարարն անդրադարձեր է Թուրքիայի ռազմաօդային ուժերու կողմէ Իրաքի տարածքին մէջ իրականացուող ռազմական գործողութիւններուն՝ «Քուրտիստանի բանուորական կուսակցութեան» (PKK-ՔԲԿ) զինեալներու դէմ, որոնց Անկարան կը համարէ ահաբեկիչներ։

Անդրադառնալով Թուրքիայի այն յայտարարութիւններուն, ըստ որոնց Իրաքի ու Թուրքիայի միջեւ 1980թ.-ին եղած է պայմանաւորուածութիւն, որով Անկարային կը թոյլատրուի  ներխուժել Իրաք 72 ժամով եւ միայն 5մ խորութեամբ, նախարարն ըսած է.

«Այս որոշումը ՔԲԿ-ի դէմ ուղղուած որոշում չէր։ Եւ ետքը այդ ժամանակաշրջանին ՔԲԿ-ն դեռեւս չէր սկսած իր զինուած պայքարը։ Այդ շրջանին այդ տարածքը կը համարուէր Քուրտստանի դեմոկրատական կուսակցութեան զինուած ուժերու՝ փեշմերգէի տարածք։ Այդ որոշումը ուղղուած էր Իրաքի քուրտերու դէմ»։

Յիշեցնենք, որ «Քուրտստանի դեմոկրատական կուսակցութիւնը» հիմնադրուեր է 1946 թ. Իրաքեան Քուրտիստանի նախկին ղեկավար Մասութ Բարզանիի  հոր՝ Մուսթաֆա Բարզանիի կողմէ։