Արեւմտեան Հայաստանի Շըրնաք նահանգի Ուլուդերէ գաւառի Էվիլ հովիտն ու կիրճը կը մնան «անվտանգութեան» համար կառուցուած ամբարտակի ջուրերու տակ:

«Անվտանգութեան» ամբարտակները, որոնք  Շըրնաքի եւ անոր շրջաններուն մէջ 2009 թուականէն սկսած են կառուցուիլ Պետական Ջրային տնտեսութեան կողմէ, կը սպառնան տարածաշրջանի էկոհամակարգին: 60 կիլոմետր շառավիղով՝ Շըրնաքի կենտրոնէն մինչեւ Ուլուդերէի գիւղեր,  իւրաքանչիւր 10 կիլոմետրի վրայ կառուցուող ամբարտակները գետերու հուներու չորնալու պատճառ դարձած են: Այս իրավիճակը նաեւ պատճառ կը դառնայ, որ բնական գեղեցկութիւնները ընկղմուին ջուրի տակ: Մինչ այժմ կառուցուեր է 6 ամբարտակ:

Կիրոր գիւղին մէջ գտնուող Էվիլ հովիտի եւ կիրճի վրայ կառուցուած ջրամբարի պատի կառոյցն  աւարտուեր է, եւ ամբարտակը սկսեր է ջուր ամբարել:

Ջրամբարը լեցուելու հետ միաասին կը վերանան տարբեր տեսակի կենդանիներու, բոյսերու եւ արարածներու բնակավայրերը: Ջուրի տակ յայտնուելու վտանգի առջեւ կը կանգնին նաեւ շրջակայ գիւղերուն պատկանող փոքր թիւով գիւղատնտեսական նշանակութեան հողերը: Կառուցուած ամբարտակներու պատճառով շրջանի էկոլոգիան աղետալի վիճակի մէջ է:

Էվիլի կիրճը, որը ջուրի տակ է,կը հիացնէ իր պարզ ու սառնորակ ջուրերով: Մոտ մէկ կիլոմետր երկարութեամբ կիրճին մէջ բնութեան սիրահարները ժամանակ առ ժամանակ շրջագայութիւններ եւ արշավներ կը կազմակերպեն: