Այսօր առաւօտ երկու երկրաշարժ տեղի ունեցած է Ջավախքի տարածաշրջանին: Այս մասին հաղորդուած է Սեյսմիկ մոնիտորինգի ազգային կենտրոնի կայք-էջը:

Ժամը 07:24-ին՝ Սամեբա գիւղի մոտակայքին, Դմանիսի քաղաքէն 25 կմ հարաւ-արեւմուտքին գրանցուեր է 3,5 մագնիտուդով երկրաշարժ:

Միջին ուժգնութեան երկրաշարժի օջախը կը գտնուի 9 կիլոմետր խորութեան վրայ: Տուժածներու կամ աւերածութիւններու մասին տեղեկութիւններ չեն հաղորդուած:

Անոր յաջորդած է եւս մէկ հետցնցում (կրկնակի ցնցում)՝ ուղիղ կէս ժամ անց, Թիպիլիսիի ժամանակով 08:03-ին, 3,3 մագնիտուդով երկրաշարժը տեղի ունեցած է նոյն գոտիին:

Վերջին մէկ ամսուայ ընթացքին Վրաստանի մէջ տեղի ունեցած է աւելի քան 1,2 հազար երկրաշարժ: Մեծ մասն գրանցուեր է Սամեբա գիւղի շրջակայքին՝ Ջավախքի լեռնաշղթայի տարածքին: