Կը ներկայցնենք Ձեզ թուրքագէտ Վարուժան Գեղամեանի Ֆեյսպուքիան գրառումը թուրքական TIKA կազմակերպութեան մասին։ 

ԽՍՀՄ փլուզուելէ ետք, երբ Թուրքիան աշխուժօրէն ներթափանցեց նախկին խորհրդային տարածք՝ ազդեցութեան սեփական գոտին ձեւաւորելու համար (այլ խօսքով՝ պանթուրքիզմի առաջխաղացման նպատակով), առաջնային թիրախ կը համարուէր թուրքալեզու հանրապետութիւնները եւ ՌԴ թուրքախօս բնակչութիւնը։

Անցեր է 30 տարի, սակայն այդ աշխատանքը կը շարունակուի  եւ աւելի գրագէտ ու թիրախային կը դառնայ։

Այս ողջ ընթացքին պանթուրքիզմի քարոզի եւ առաջխաղացման կարեւորագոյն գործիքներէն կը համարուի TIKA (Համագործակցութեան եւ համակարգման թուրքական գործակալութիւն) պետական կազմակերպութիւնը։ Այս կազմակերպութիւնն զբաղուած է թուրքալեզու պետութւններու ու ժողովուրդներու էլիտայի կրթութեան հարցերով՝ տրամադրելով նաեւ Թուրքիայի բուհերու մէջ սորվելու կրթաթոշակներ։ Ըստ միջին հաշուարկներու՝ TIKA ծրագիրներով անցնող տարիներուն Թուրքիայի մէջ հաճախած է 26 հազար ուսանող թուրքալեզու պետութիւններէն եւ ՌԴ-էն։ Այսպիսով, ձեւաւորուած  է պրոթուրքական հայացքներ ունեցող հետխորհրդային էլիտա, որն արդեն վաղուց կարեւոր պաշտօններ կը զբաղեցնէ նշուած պետութիւններուն մէջ։ TIKA-ին զուգահեռ նման գործունէութիւն կը ծաւալեն եւս մի քանի պետական եւ մասնաւոր կազմակերպութիւններ։