ԱՄՆ Ներկայացուցիչներու պալատի անդամ, Կոնգրեսի հայկական հարցերու յանձնախումբի փոխնախագահ Ատամ Շիֆը (դեմոկրատ, Կալիֆոռնիա) խիստ մտահոգ է Արցախի դէմ Ատրպէյճանի եւ Թուրքիայի սանձազերծած պատերազմէն ետք հայ ժողովուրդին սպառնացող շարունակական վտանգներով եւ մասնաւորապէս այն փաստով, որ Ատրպէյճանը կը շարունակէ սպառնալ եւ յարձակումներ գործել Հայաստանի վրայ:«Արմենփրես»-ի հարցումին ի պատասխան կոնգրեսականն ըսած է, որ անթոյլատրելի է Միացեալ Նահանգներու կողմէ սպառազինութեան մատակարարումը երկրի մը, որը պարբերաբար ուժ կը գործադրէ իր հարեւանի նկատմամբ: Այդ պատճառով  Կոնգրեսի ստորին պալատն ընդունեց Փալոնի ուղղումը, որը, կոնգրեսական Շիֆի խօսքով, պատասխանատւութեան  կ՛ենթարկուի Ալիեւի ռեժիմին՝ ցոյց տալով, որ ԱՄՆ-ն աչք չի փակէր Ատրպէյճանի կողմէ Հայաստանի եւ Արցախի նկատմամբ ուժ գործադրելու վրայ: