Երեկ երեկոյեան սկսած առատ տեղումները Արեւմտեան Հայաստանի Վան նահանգի  շարք մը շրջաններու մէջ վերածուեր են  հեղեղումներու։

  Մասնաւորապէս Գիւրփնար շրջանի լեռնային գիւղերուն մէջ շուրջ երեք տասնեակ գիւղացիներ  արգելափակուեր են ճանապարհը՝ հեղեղի պատճառով, անոնց օգնութիւն  ցուցաբերած են փրկարարները։

Հեղեղումներու պատճառով զոհեր եւ վիրաւորներ չկան, սակայն վնասուեր են գիւղական մի քանի ճանապարհներ, որոնց բացման եւ մաքրման աշխատանքները այս պահին դեռ կը շարունակուին։

Եղանակային անոմալիան Արեւմտեան Հայաստանի շրջաններուն մէջ այս ամառ աւելի ցայտուն կերեւի․ նախ շարք մը շրջաններուն մէջ երաշտը, ապա Սեւ ծովի եւ Վանի շրջաններու  հեղեղումները, ապա սաստիկ հրդեհները։

Այս ամենը ընդհանուր տաքացման տխուր հետեւանքներն են։