Օգօստոսի 10-ին ԱՄՆ Կոլումբիայի համալսարանի մարդու իրաւունքներու ուսումնասիրութեան ինստիտուտի կազմակերպած քննարկմանը Մարդու իրաւունքներու պաշտպան Արման Թաթոյեանը ներկայացուցած է օբյեկտիվ ապացոյցներ, որոնք կը հաստատեն, որ հայկական կողմի գերիները կը պահուին ապօրինի` քաղաքական նպատակներով եւ որ գերիներու նկատմամբ բոլոր դատավարութիւնները արհեստական են, տեղեկացանք ՄԻՊ ֆեյսպուքիան էջէն։

Ապացոյցներու թիւին է Ատրպէյճանի նախագահի ու Թուրքիայի 1-ին տիկնոջ միջեւ տեսաձայնագրուած խոդակցութիւնը, որտեղ կը խօսուի գերիներուն հատուկ պահելու եւ մաս-մաս վերադարձնելու մասին:

Քննարկումը կազմակերպած էր ԱՄՆ Կոլումբիայի համալսարանի մարդու իրաւունքներու ուսումնասիրութեան ինստիտուտի խաղաղութեան ամրապնդման եւ իրաւունքներու ծրագիրի տնօրեն Տեյվիտ Լ. Ֆիլիպսը: Քննարկման մասնակիցներուն մէջ էր նաեւ Իրաւունքի դպրոցներու ամերիկեան ասոցիացիայի մարդու իրաւունքներու միջազգային բաժինի ընտրուած ղեկավար, իրաւունքի պրոֆեսոր Թոմաս Մ. Մակդոնելը: