Աշխարհի եւ Արեւմտեան Հայաստանի մէջ կլիմայական փոփոխութիւններու եւ ընդհանուր տաքացման  հետեւանքով Հաքքարի-իւքսեկովա սահմանին գտնուող 20 հազար տարուայ վաղեմութեան «Ջիլո» սառցադաշտերը կը փոքրանան:

Ընդհանուր տաքացումը եւ կլիմայի փոփոխութիւնը, որոնք կը զգացուին ամբողջ աշխարհով, վտանգ կ՛առջացնեն : Այդ վտանգներէն մէկը սառցադաշտերու հալոցքն է:

վերջին տուեալով 2021 թուականի Յուլիսի 5-ին Հաքքարիի սառցադաշտերը ուսումնասիրուեր են Աշխարհագրական միութեան կողմէ՝ 30 հոգիանոց բաղկացած աշխարհագետներու խումբով: խումբը  շարք մը աշխարհագրութեան ուսուցիչներու հետ շրջած է Իւքսեկովայի 1950 մետր բարձրութեան վրայ գտնուող եղեգնուտներուն ու ճահճուտներուն մէջ եւ ուսումնասիրած է Սաթ լեռներու սառցադաշտային լիճերը՝ 3,794 մետր բարձրութեան վրայ:

Աշխարհագրութեան ուսուցիչ եւ հետազոտող Քենան Ջանանը յայտարարած է, որ հետազոտութիւններու ընթացքին սառցադաշտերը գտնուած են 4 կիլոմետր հեռաւորութեան վրայ, սակայն 2009 թուականին կատարուած հետազոտութիւններու արդիւնքին սառցադաշտերը նուազեր են մինչեւ 1 կիլոմետր:

Եթէ ​​սառցադաշտերն այս կերպ շարունակուին հալուիլ, ապա հաւանականութիւն կայ, որ 20-30 տարի ետք ամբողջութեամբ կը վերանան: