Արեւմտեան Հայաստանի Մալաթիա քաղաքի Սուրբ Երրորդութիւն (Երեք խորան) հայկական եկեղեցիի վերանորոգումն աւարտին կը հասնի։ Կառոյցն այսուհետ կը ծառայէ որպէս եկեղեցի եւ մշակութային կենտրոն։ Առաջին պատարագը նախատեսուած է սոյն թուականի Օգոստոսի 29-ին։

Եկեղեցին 100  տարի շարունակ աւերակ վիճակով եղած է, շինութեան՝ եկեղեցիին առնչուող հատուածներու վերանորոգումը ստանձնած է Մալաթիայի HAY-DER կազմակերպութիւնը, որը վերականգնած է սրբավայրի խորանները եւ մկրտարանը։

Եկեղեցին այսուհետ երկու գործառոյթ կ՛ունենայ․ այնտեղ պէտք է կազմակերպուին հայկական համայնքի պատարագի, մկրտութեան եւ պսակադրութեան արարողութիւնները, սակայն հայկական սրբատեղին կը ծառայէ նաեւ որպէս մշակութային կենտրոն։ Եկեղեցիի մուտքի մոտ 3 լեզուով (թուրքերէն, հայերէն եւ անգլերէն) գրուած է «Մալաթիայի Երեք խորան եկեղեցի-Թաշհորան մշակութային կենտրոն»։

Սոյն թուականի Օգոստոսի 26-ին տեղի կ՛ունենայ եկեղեցիի վերաբացման պաշտօնական արարողութիւնը, եկեղեցին կ՛օծուի,  Կ․Պոլսոյ Հայոց պատրիարք Սահակ Մաշալեանն կը մատուցէ առաջին պատարագը։