Ատրպէյճանի պաշտպանութեան նախարարութեան տարածած հաղորդագրութիւնը, թէ իբր Օգոստոսի 13-ին՝ ժամը 02:30-ի սահմանները Արցախի Հանրապետութեան ՊԲ ստորաբաժանումները հրաձգային զինատեսակներէն կրակ բացած են Յուխարի Վեյսալի, Սղնախ գիւղերուն, ինչպէս նաեւ Շուշիի մերձակայքին տեղակայուած ատրպէյճանական դիրքերու ուղղութեամբ, իրականութեանը չի համապատասխանիր: «Արմենփրես»-ի փոխանցմամբ՝ այս մասին հաղորդագրութիւն տարածեր է Արցախի Հանրապետութեան պաշտպանութեան նախարարութիւնը: 

«Ակնյայտ է, որ նման կեղծ յայտարարութիւններով ատրպէյճանական կողմը հող կը նախապատրաստէ յետագայ սադրիչ գործողութիւններու համար: ՊԲ ստորաբաժանումները խիստօրէն կը պահպանեն հրադադարի ռեժիմը եւ պատասխան գործողութիւններու կը դիմեն բացառապէս ատրպէյճանական սադրանքներուն հակազդելու նպատակով»,- կ՛ըսուի հաղորդագրութեան մէջ: