Անցեալ տարուայ սկիզբները Թուրքիայի մէջ կայացեր է ազգութեամբ քուրտ Ֆաթիհ Գիուդենի նկարահանած փաստավավերագրական ֆիլմի անդրանիկ ցուցադրութիւնը՝ Վանի մէջ պահպանուած հայկական եկեղեցիներու թեմայով։ Այնուհետեւ ֆիլմը ցուցադրուեր է նաեւ աշխարհի այլ երկիրներու փառատօններու շրջանակներուն։ Ֆիլմը դեռ չէ ներկայացուած հայաստանեան հանդիսատեսին, սակայն Ֆաթիհ Գիուդենը դիմեր է այս տարուայ «Ոսկե Ծիրան» կինոփառատօնին մասնակցելու համար։ Հեղինակի հետ հեռավար կայացած զրոյցի ընթացքին խօսուած է ֆիլմի նկարահանմանն առնչուող թեմաներ, որտեղ ան մասնաւորապէս նշած է Արեւմտեան Հայաստանի տարածքին մէջ դեռեւս կանգուն մնացած պատմական շինութիւններու պահպանման եւ անոնց գանձագողերու թիրախին գտնուելու տխուր փաստը։ 

Արուեստի պատմաբանը նաեւ ցանկութիւն ունի կազմակերպելու լուսանկարչական եւ կտաւներու ցուցահանդէսներ եւ այլ բազմատեսակ միջոցառումներ, որոնց միջոցով որոշ լեռնային գիւղերու մէջ բնակուող մանուկներու համար վիրտուալ իրականութեան ակնոցներով այց կը կազմակերպէ դէպի այդ յուշարձաններ։ 

Պատմաբանն իր խօսքն աւարտած է հետեւեալ միտքով․«Այս յուշարձաններն ինքնին մէկական գանձ են։ Ես այս կառոյցներն կ՛ընկալեմ որպէս այս տարածքներու որբացած զաւակներ։ Քանի դեռ այստեղ կը բնակուիմ, կաշխատիմ գիտակցութիւն ձեւաւորել այն հասարակութեան շրջանին, որու ներկայացուցիչներուն հետ կ՛ապրիմ։

իրական գանձը ոչ թէ հողի տակ է, այլ՝ հողի վրայ իսկ մենք օրէ օր կ՛ոչնչացնենք այն»։