Ատրպէյճանի զինուած ուժերու կողմէ Շուշին բռնագրաւելէ ետք Շուշիի կերպարուեստի թանգարանի Քանդակներու պուրակի ցուցանմուշները ապամոնտաժուած եւ հեռացուած են:

«Արմենփրես»-ի փոխանցմամբ` այս մասին ահազանգեր է Կովկասեան ժառանգութեան պաշտպանութեան (Caucasus Heritage Watch) կազմակերպութիւնը:

Կազմակերպութիւնը հրապարակեր է Ապրիլի 10-ին եւ Յունիսի 5-ին կատարուած արբանեակային լուսանկարները, որտեղ կերեւի, որ ի տարբերութիւն առաջին պատկերի, երկրորդին մէջ 51 քանդակները Շուշիի կերպարուեստի թանգարանի պուրակէն կը բացակային:

«Կովկասեան ժառանգութեան պաշտպանութիւնը մտահոգուած է թանգարանի սեփականութիւնը հանդիսացող արուեստի այս գործերու վիճակին:

Կովկասեան ժառանգութեան պաշտպանութիւնը կոչ կ՛ուղէ Ատրպէյճանի իշխանութիւններուն յայտնել առգրաւուած քանդակներու գտնուելու վայրը եւ տեղեկացնել, թէ ինչպէս կապահովեն անոնց հանրայնութիւնը»,- կ՛ըսուի կազմակերպութեան «Ֆեյսպուք»-ի գրառման մէջ