Ըստ նախնական տուեալներու՝ Արեւմտեան Հայաստանի Կարս նահանգի Սարիղամիշ գաւառին մէջ տեղի ունեցած ջրհեղեղի պատճառով 40 տուն  աւիրուած է, 6 ինքնաշարժ դարձած է  անպիտան եւ մեծ թիւով կենդանիներ սատկած են: 

Ինկայա գիւղի միջնամասով անցնող գետի վարարման եւ կամուրջներու խցանման հետեւանքով բազմաթիւ տուներջուր լեցուեր են :

Բիւրակնի Եդիսու եւ Էրզրումի Նարման գաւառներուն մէջ տեղացած անձրեւները նոյնպէս ջրհեղեղներու պատճար դարձած են։ Ջրհեղեղի պատճառով Եդիսու-Կարլըօվա մայրուղին փակուեր է երթեւեկութեան համար: Աւելի ուշ անձրեւի պատճառով ճանապարհի 10 կէտերուն մէջ տեղի ունեցեր են սողանքներ:

Հատուկ նահանգային վարչակազմի եւ Եդիսուի քաղաքապետարանի մոտ 4 ժամ տեւած աշխատանքի արդիւնքին հատուկ մեքենաներու միջոցով ճանապարհը մաքրուեր է եւ բացուեր է փոխադրումներու համար: