Արցախի Հանրապետութեան արտաքին գործերու նախարար Դաւիթ Բաբաեանն անդրադարձեր է Արցախի կարգավիճակի վերաբերեալ ատրպէյճանական կողմի մոտեցումներուն՝ շեշտելով, որ Արցախն Ատրպէյճանի տարածքը չէ։

«Արմենփրես»-ի հետ զրոյցի ժամանակ Բաբաեանը Պաքուին կոչ ուղեց չխեղաթիւրել իրականութիւնը։ «Ի հարկէ, սա Ատրպէյճանի տարածք չէ: Այդ իրենց նպատակն է՝ Արցախը դարձնել Ատրպէյճանի տարածք, բայց  չի նշանակէր, որ այդ կը յաջողուի», – ըսաւ Դաւիթ Բաբաեանը։

Անդրադառնալով Ատրպէյճանի ՊՆ-ի յայտարարութեանը, թէ Հայաստանը զինուած ուժեր կը տեղափոխէ Արցախի տարածք, Արցախի արտգործնախարարն ըսաւ, որ «Հայաստանի կողմէ զօրքի որեւէ տեղաշարժ կամ տեղաբաշխում չկայ»:

Դաւիթ Բաբաեանի խօսքով՝ ինչպէս ռազմական միջոցներու գործադրումը ատրպէյճանական զինուժի կողմէ, այնպէս ալ Պաքուի նման յայտարարութիւնները ուղղուած են միեւնոյն նպատակին՝ հոգեբանական ճնշում գործադրել՝ փորձելով վախցնել արցախցիներուն: Բացի այդ, նաեւ կը փորձեն խարխլել հայ-ռուսական յարաբերութիւնները եւ հող նախապատրաստել Հայաստանի հետ Արցախի կապը կտրելու:

Յիշեցնենք ,որ Արցախը ըստ Սեւրի պայմանագիրի, որը միակ միջազգայնօրէն ճանաչուած եւ օրինական փաստաթուղթն է, կը հանդիսանայ Միացեալ Հայաստանի բաղկացուցիչ մասը, որը ճանաչուած է Արեւմտեան Հայաստանի տարածքով։