Յունիսի 21-էն Օգոստոսի 13-ը ՀՀ սփիւռքի գործերու գլխաւոր յանձնակատարի գրասենեակը հիւրընկալած էր 25 երկիրներէն ժամանած 13-18 տարեկան 360  տարագիր հայ պատանիներու՝ նպատակ ունենալով պահպանել եւ զարգացնել անոնց ազգային ինքնութիւնը:

Ինչպէս «Արմենփրես»-ին տեղեկացուցած են յանձնակատարի գրասենեակէն, «Դասավանդի՛ր, Հայաստան» հիմնադրամի հետ համագործակցութեամբ՝ տարագիր հայ երիտասարդները 14 օր շարունակ եղան հայրենիքի մէջ՝ սովորելով մայրենին, պատմութիւնը, հայկական երգն ու պարը, շրջելով եւ բացայայտելով ողջ Հայաստանը:

Ծրագիրի փակմանը մասնակցած են շարք մը պաշտօնեաներ, ինչպէս նաեւ գործընկեր կառոյցներ եւ ներկայացուցիչներ:

«Քայլ դէպի տուն» 2022-ի յայտադիմումները կ՛ընդունուին արդեն 2022 թուականի առաջին եռամսեակին:

Հիմնուելով 2019 թուականին՝ ՀՀ սփիւռքի գործերու գլխաւոր յանձնակատարի գրասենեակը պատասխանատու է Հայաստան-սփիւռք յարաբերութիւններու  զարգացման եւ իրականացման ռազմավարութիւններու եւ քաղաքականութեան մշակման համար: Այն կը ներառէ հայրենադարձութեան գործընթացի աջակցութիւնն ու խրախուսումը, հայրենադարձներու ինտեգրման գործընթացի հեշտացումը եւ այլն։