Նախօրէին Թուրքիային պատկանող ռազմական ինքնաթիռները ռմբակոծեր են Իրաքի եզտիաբնակ Սինջար (Շենգալ) բնակավայրը, որու արդիւնքին զոհուեր է Սինջարի դիմադրութեան ուժերու մէկ հրամանատար։ Հիւանդանոցին մէջ գտնուողներուն տարհանելու նպատակով շէնքին մոտեցող բնակիչները եւս յայտնուած են թուրքական ինքնաթիռներու թիրախը։ Ռմբակոծիչներու պատճառով մարդկանց չէ յաջողուած տարհանել։

 Այսօր արդեն ռմբակոծման թիրախ դարձած է Շենգալի Սիկենիէ գիւղի բուժ կենտրոնը, որը ռմբակոծուեր է 3 անգամ: Յարձակման հետեւանքով բուժ կենտրոնի շէնքը վնասուած է, կան զոհեր եւ վիրաւորներ: Տեղեկութիւններու համաձայն՝ յարձակման հետեւանքով 5 մարդ զոհուած է: Ռմբակոծութեան հետեւանքով տարածաշրջանին մէջ լարուածութիւնը կը շարունակուի։

Յիշեցնենք, որ Թուրք-ատրպէյճանական ուժերը Արցախեան 44-օրեայ պատերազմի ընթացքին նաեւ  թիրախաւորած էին քաղաքացիական ենթակառուցուածքները, բժշկական կենտրոնները եւ նոյնիսկ եկեղեցիները։