Ջավախքի մէջ Ախալքալաքի Իլիա Ճավճավաձէի անուան թիւ 3 հանրային դպրոցին մէջ կատարուաած վերանորոգման աշխատանքներու պատճառով աշակերտները ստիպուած կ՛ըլլան նոր ուսումնական տարին կրկին սկսիլ այլ դպրոցի մը մէջ:

Արդեն երկրորդ տարին է, Իլիա Ճավճավաձէի անուան դպրոցին մէջ վերանորոգման աշխատանքներ  կ՛ընթանան: Դպրոցի եռահարկ նոր շէնքը կառուցուեր է 2012 թուականին, սակայն հիմնանորոգուելու կարիք ունի: Նոր ուսումնական տարուայ սկիզբը մէկ ամիսէն պակաս ժամանակ մնացած է, սակայն դպրոցի ներքին հարդարման աշխատանքները դեռ չէ աւարտուած:

Ըստ վերանորոգուելու աշխատանքներն ացկացնող ընկերութեան աշխատակից Դաթօ Աբրամիշվիլիի՝ մինչեւ նոր ուսումնական տարուայ սկիզբը, Սեպտեմբերի 15-ը վերանորոգումն աւարտուած կ՛ըլլայ: Շէնքի արտաքին հատուածի վերանորոգումն արդեն վերջացուցած են, մնացեր է միայն դպրոցի ներսի հատուածը։

Թիւ 3 դպրոցը կառուցուեր է 2012 թուականին՝ «Խուրո» շինարարական ընկերութեան կողմէ: Վրացական դպրոցի շէնքը բազմաֆունկցիոնալ է: Շէնքի մէկ մասը կը գտնուի Զուրապ Ժվանիայի անուան պետական կառավարման դպրոցը: