Ռուսաստանի Դաշնութեան նախագահ Վլատիմիր Բութինը հեռախօսազրոյց ունեցած է Ֆրանսիայի նախագահ Էմանուել Մակրոնի հետ, որու ընթացքին, ի թիւս այլ հարցերու, քննարկուեր է Արցախի հիմնախնդրի կարգաւորումը: Ինչպէս կը տեղեկացնէ «Արմենփրես»-ը, այս մասին հաղորդագրութիւն տարածած է Կրեմլի մամուլի ծառայութիւնը:

Էմանուել Մակրոնի խնդրանքով Վլատիմիր Բութինը տեղեկացուցած է 2020 թ. Նոյեմբերի 9-ին եւ 2021թ. Յունուարի 11-ին Արցախի վերաբերեալ եռակողմ յայտարարութիւններու իրականացման ընթացքի մասին:

Արձանագրուեր է, որ իրավիճակը տարածաշրջանի մէջ, ընդհանուր առմամբ կայուն է, քայլեր ձեռնարկուած են Հարաւային Կովկասի մէջ տնտեսական եւ փոխարամիջոցային կապերու ապաշրջափակման եւ բնակչութեան հումանիտար կարիքներու ապահովման ուղղութեամբ:

Ընդգծուած է Արցախի հակամարտութեան կարգաւորման տարբեր ասպեկտներու շուրջ, առաջին հերթին, ԵԱՀԿ Մինսքի խումբի շրջանակներուն, յետագայ համատեղ աշխատանքի փոխադարձ տրամադրուածութիւնը: