Արեւմտեան Հայաստանի Կարինի մէջ գտնուող, Արարատեան թագաւորութեան ժամանակաշրջանէն մեր օրերը հասած ժայռափոր գերեզմանոցը զբօսաշրջային վայր դարձնելու ուղղութեամբ աշխատանքներն սկսեր են: Յակուտիէի քաղաքապետարանը, որու ենթակայութեան տակ է դամբարանը, կանաչապատման աշխատանքներ  կատարած է բազմիցս գանձագողերու յարձակմանը ենթարկուած ժայռափոր դամբարանի շուրջը, իսկ անտառապատ հատուածը վերածեր է ժամանցի վայրի։ Քաղաքապետը նշած է, որ Քալոր բլուրի գերեզմանատունը, որու վրայ կան նաեւ ամրոցի աւերակներ, կը բացուի տեղացի եւ օտարերկրեայ զբօսաշրջիկներու համար:

Կարինէն մոտ 20 կիլոմետր հեռաւորութեան վրայ, Ումուդի մէջ թաղամասի ժայռոտ  տարածքի մը մէջ գոյացած Քալոր բլուրի  ժայռափոր գերեզմանոցը ենթադրաբար կառուցուած է մ.թ.ա. 800 թուականին։

Ամրոցի աւերակներով բլուրի ստորոտին գտնուող ժայռափոր գերեզմանոցը եւ քարանձաւը Կարինի ամենահին պատմական արժեքներէն են: