Ատրպէյճանցի բարբարոսները կը շարունակեն մշակութային վանդալիզմը Արցախի օկուպացուած տարածքներուն մէջ՝ աւիրելով ոչ միայն հայկական եկեղեցիները, խաչքարերը, Արցախեան ազատամարտին նուիրուած յուշահամալիրները, հայկական գերեզմանատուները, այլեւ Երկրորդ աշխարհամարտին նացիզմի դէմ կռուած հայ մարշալներու արձանները: 

Մասնաւորապէս, Արցախի Հադրութի շրջանի Մեծ Թաղեր գիւղին մէջ ատրպէյճանցիները ոչնչացուցած են ԽՍՀՄ ավիացիայի մարշալ, ծնունդով արցախցի Արմենակ Խանփերեանցի (Սերգեյ Խուդիակով) կիսանդրին: Տեղեկութիւնը կը յայտնէ war.karabakhrecords.info հարթակը, որը կը պատմէ Ատրպէյճանի ռազմական յանցագործութիւններու մասին: Կայքը կը նշէ, որ մարշալ Խանփերեանցի արձանը պղծելու փաստը յայտնի դարձած է 2021թ. Յուլիսին կատարուած արբանեակային լուսանկարներէն: «Նախքան պատերազմը կատարուած արբանեակային լուսանկարներուն մէջ կերեւի թէ՛ մարշալի կիսանդրին, թէ՛ տուն-թանգարանի տարածքին մէջ գտնուող «ՄիԳ-17» կործանիչը: Սակայն արդեն պատերազմէն ամիսներ ետք կատարուած լուսանկարներուն մէջ նոյն տարածքին կը բացակայի Արմենակ Խանփերեանցի արձանը, իսկ անոր «ՄԻԳ-17» կործանիչը մասամբ ջարդուած է, կողքի  նետուած», – նշած է կայքը: