Հայաստանի մէջ ԱՄՆ դեսպան Լին Թրեյսին կը կարծէ, որ Արցախի մէջ վերջին պատերազմի հետեւանքները յաղթահարուած չէն, իսկ հակամարտութիւնը կարգաւորուած չէ, քանի որ դեռեւս լուծուած չէ Արցախի կարգավիճակի հարցը:

 «Մենք կ՛աշխատինք որպէս Մինսքի խումբի  համանախագահ՝ այդ դիրքերէն ձգտելով իրավիճակի դեէսկալացիայի, խնդիրներու վերացման, որպէսզի հնարաւոր ըլլայ դիտարկել մնացաց հարցերը՝ պատերազմի հետեւանքներու եւ միւս խնդիրներու վերջնական կարգաւորումը»,- Սիւնիքի մարզին մէջ լրագրողներու հետ զրոյցի ժամանակ ըսաւ Լին Թրեյսին:

Անդրադառնալով անվտանգութեան եւ սահմանային խնդիրներու հետ կապուած հարցերուն՝ Թրեյսին նշեց, որ անոնց հետ կապուած իր կարծիքը յայտնած է, մի քանի անգամ  դիրքորոշումներ հնչած են նաեւ ԱՄՆ պետքարտուղարութենէն. «Թերեւս գիտէք, որ ես Յուլիսին այցելեցի Գեղարքունիքի մարզի սահմանային հատուածներէն մէկը, որտեղ դէպքէր կը գրանցուէր, եւ կ՛ուզեմ  հստակ նշել, որ մենք կոչ կ՛ուղենք իրավիճակի դեէսկալացիայի եւ որ հնարաւորինս արագ վերջ տալու բռնութիւններուն»,- նշեց Լին Թրեյսին:

Դեսպանը ընդգծեց, որ այս խնդիրներու լուծումը անչափ կարեւոր է հատկապէս այն պատճառով, որ քաղաքացիական անձեր կը յայտնուին հակամարտութեան մէջ: