Արեւմտեան Հայաստանի բարձրութեամբ երրորդ՝ Սիփան լեռին վրայ, որը ծովի մակերեւոյթէն բարձր է 4 հազար 58 մետր, կլիմայի ընդհանուր փոփոխութեան պատճառով շատ արագ կը հալուի ձիւնի կոյտերը:

«Վադի» բնութեան սպորտի ակումբի անդամները այս տարի երկրորդ անգամ բարձրացան Սիփան լեռը, որը գտնուի Պաղեշի Ատիլջեւազ շրջանի սահմանները: Լեռնագնացները, մագլցելով լեռը, գագաթին հանդիպեր են կլիմայի ընդհանուր փոփոխութեան հետեւանքներուն: Անոնք նկատած են, որ անցեալ տարի լեռան գագաթին տեղացած ձիւնի զանգուածները արագ կը հալին, տեսած են նաեւ, որ լեռան լանջին աճող բոյսերն ամբողջութեամբ վերացեր են:

Սիփան լեռան սառցադաշտերու արագ հալելուն ականատէս լեռնագնացներէն մէկն այսպէս ըսաւ.«Սիփան լեռան նեղուց կոչուող տարածքին մէջ միշտ եղած են ձիւնի զանգուածներ: Միւս կողմէ, այս տարածքին մէջ կաճէր գունագեղ ծաղիկներ: Սակայն մեր վերջին վերելքի ժամանակ ձիւն չի տեսանք այս տարածքին մէջ, իսկ ծաղիկներէն հետք անգամ չէր մնացած: Գագաթին մենք  տեսանք նաեւ, որ շատ մեծ ու փոքր լիճեր չորցած են: Ցաւօք, լեռան գագաթին շատ քիչ ձիւն մնացած է»: